Pemujur Program Degree Bachelor Pelajar Jaku Iban (Hons)

Nyentukka diatu pelajar jaku Iban udah manggai ba tikas degree. Ba UPSI jaku Iban ti nyadi kus minor (elektif) dipelajarka nembiak berengkah ari taun 2010. Ba Institut Pematih Pengajar (IPG) Kampus Rajang, jaku Iban ti nyadi kus major dipelajarka nembiak berengkah ari taun 2011 ba tikas foundation. Berengkah ari bulan Januari 2013, jaku Iban dipelajarka nembiak ba tikas degree lalu tembu ba taun 2016. Sebedau nembiak ulih ngambi Program Degree Bachelor Pelajar Jaku Iban (Hons) tu, sida deka ngambi dulu kus foundation tauka Kursus Persediaan Program Ijazah Sarjana Muda Pendidikan (PPISMP). Nyentukka taun 2016, IPG Kampus Rajang bisi ngelatih 157 iku nembiak ari enam iti raban ti ngambi opsyen jaku Iban. Reti nya genap taun IPG Kampus Rajang bisi nerima nembiak kus major jaku Iban belabuh ari taun 2011 suba nyentukka ngagai diatu. Raban keterubah, sepenyampau 24 deka graduet bulan November 2016. Kelimpah ari IPG Kampus Rajang, IPG Kampus Sarawak, Miri mega bisi nerima 15 iku nembiak ke ngambi PPISMP Jaku Iban  ba taun 2014. Nyentukka diatu IPG Kampus Sarawak, Miri bisi ngelatih 40 iku nembiak ari dua raban. Ba baruh mandangka sekeda cebik surat pemberita menua kitai ke bisi besangkut paut enggau pelajar Jaku Iban.